Wheatfield X 羅宋湯專門店 (青衣城) (已結業)

今日星期六下午茶時段，揀左間感覺較健康的餐廳，係羅宋湯專門店，味道幾好，下單上菜都很快，只係下午茶只有星期一至五，同埋個湯價錢偏貴。海派羅宋湯（牛腩）羅宋湯好濃郁，有好多蔬菜好甜，蕃茄味令個湯更鮮。揀牛腩好夾個湯，肉質鬆化牛味突出，大大件牛腩，份量亦足夠，仲好熱辣辣，冬天更岩飲。秘製醬油撈麵醬油味幾重幾香，撈麵食咸度剛好，麵質煙韌好咬，但食到最尾就太咸。海派羅宋湯（牛腩）拉麵配粉麵食其實都好正，因為較健康，會飲哂個羅宋湯湯，但就太飽，所以簡單配甜餐包，就應該更夾。拉麵幾滑，但就同個湯個味分開，拌好耐都掛得唔夠湯汁，反而放耐d會沾到多d味，但拉麵開始脹了。糖心蛋，中間唔算好軟心，熟左少少，不過味道幾好，配麵必點。汁燒豬脾肉，個燒汁幾惹味，又唔會好咸，唔乾但硬左少少，係偏瘦的日式叉燒口感。有4款特飲，跟餐半價。蘆薈蜂蜜四季春，有四季春茶甘味，加蜂蜜平衡味道又滋潤，味道唔會好甜。另外款偏甜的是熱情果蘆薈紅茶，味道酸酸甜甜，但紅茶味好淡。