永珍越南菜館

營業中

休息中

初一同食家互相到對方家拜年，去了九龍城永富買生果，一人買左幾百蚊孝敬下家中老人家。新年關係絕大部份食店都關門大吉，見對面馬路呢間永珍仲開，當然入去食番個牛肉粉。越南粉開到周街都係，在我心中最好的當然係上年嚐過越南胡志明街市的阿婆啦，要在香港尋回那風味不易，原來呢間永珍也不錯。生熟牛河，湯底賣相清澈，入口有牛羶香清甜不死鹹，不錯。牛肉夠大片半生熟，質地偏韌卻肉味香濃，配上大量配菜如九層塔、蔥花、芽菜、芫茜等，未算正宗風味卻值得推介。仲有佢加入白蘿蔔兩件，咬落清甜無渣，好吃﹗雖然只係食碗粉，不過姐姐都服務殷勤有禮，再一讚﹗沒有期望下有驚喜，新年新一天有好開始﹗