大家樂 (已結業)

看廣告被吸引住，就去左大家樂食鐵板霜花肥牛鰻魚飯套餐。等了又等，約10分鐘後，終於等到這個「快餐」(與此同時，另一個餐都吹凍了)，等10分鐘都算了，但櫃台前有群遊客也在等、在催，最怕是陌生人的口水噴到我的食物上。鐵板霜花肥牛鰻魚飯的牛肉是生的，要自己用燒熱的鐵板的高溫煎熟，係幾好玩的，佢地都已經用紙條包圍住個鐵板比你，不過都千萬要小心chi底同埋啲油彈到衣服。味道是不錯的，而且有兩款醫料比你自己加落去，有蒜味同蜜糖味，兩款醫料都試過，都幾好，幾惹味。要改善就係個餐成四十幾蚊，得嗰幾塊薄薄的肥牛，同埋都係得幾塊嘅鰻魚，濕濕碎碎咁，唔值呢個價，各比多兩塊都好睇好多啦，肥牛同鰻魚又唔係啲好貴嘅食材。套餐包飲品，要了一個北海道牛乳珍珠奶茶，茶味夠，不過珍珠淋左啲。