八月堂 (已結業)

起初第一次試係聽講因為係台灣好出名，之後試完，味道果然好好個皮好香牛油味，又有好多唔同味道選擇。試咗嗰隻蛋黃味，又唔會太咸但又食得出好香嘅鹹蛋黃味認真唔錯。如果第一次試嘅朋友我會推薦食原味或吉士味，尼兩款都好突出皮嘅牛油香味但係有一件事真係要反映下， 就係員工嘅態度真係好差，第一次買員工掛住傾計，去到俾錢， 仲掛住講笑。之後我每日放工去買，九點令鐘到，個個好似想收工唔想做生意咁。問佢野十問九唔應。所以真係有少少失望。