塚田食堂

營業中

休息中

今日放左工之後同朋友去左坑口覓食，見到哩間嘅套餐好似唔錯，所以就入去試吓。餐廳環境寬敞，因為人流唔多嘅關係，所以坐到比較長嘅卡位，座位都幾舒適。餐牌上面嘅食物都會額外配沙律吧同埋任飲嘢飲，不過因為疫情嘅關係，所以我冇拎過任何沙律吧🥗既嘢食，大家自己選擇啦😅而嘢飲我哋每人就揀咗兩樣。🎈芝麻醬油火炙三文魚配鱈魚籽丼佢嘅火炙三文魚味道都唔錯，但未去到入口即溶，因為以前食過太多好味嘅火炙三文魚，所以呢個相對上比較普通，而鱈魚籽就比較鹹，我同朋友都麻麻哋。🎈四色刺身定食四色刺身係指三文魚、吞拿魚、鯛魚同三文魚籽，佢嘅刺身只可以話不過不失，味道係OK嘅，但係唔夠肥美。整體來講，呢度嘅嘢食味道都唔錯，但係稱不上非常好食，而且呢個價錢其實有更好嘅選擇，所以試一次就夠啦。