影片
更多
2008-08-11
33 瀏覽
開業至今都未食過, 星期六難得女友準時收工(好感動...一年都無一次), 決定入去試下。餐牌注明日本人打的拉麵, 吸引到我一試。叫了一個餐, 有鼓油拉麵&細細個的吉列豬扒飯, 再要了凍番茄, 包一支忌廉。報告如下:忌廉保持水準, 唔關佢事鼓油拉麵, 湯底食到有木魚塊的味道, 帶出淡淡的煙壎味, 叉燒軟滑, 有少少肥膏, 所以又軟又滑, 拉麵叫做可以, 質地與日清的麵王近似, 勝在無鹼水味。吉列豬扒飯好細碗, 豬扒上有酸汁, 做法與吉列豬扒專門店的近似(當然無咁筍啦), 收你幾錢呀哥仔喂, 係就係比人家乾左少少, 又硬左少少, 同鞋左少少, 但都食得下。凍番茄, 上面舖有大量木魚片, 下面有鼓油, 凍凍地, 都無好味, 亦無番茄的腥味。平心而論, 拉麵的味道不及全盛期的橫崗(不過橫崗最正時期都成十幾年前啦, 而家橫崗湯底差之餘, 麵質差又極重鹼水味)。平平地又可以食得下的日本拉麵, "言"都叫有自己風格, 都ok啦, 未至於網友講到咁差。但佢個"老"女伙計態度就真係好差下, 入到去要我地坐去近廚房張檯, 好逼; 對面有卡位緊係坐卡位啦, 佢就話未收拾好, 又黑面唔多願俾你坐。一坐低, 未
餐牌注明日本人打的拉麵, 吸引到我一試。
叫了一個餐, 有鼓油拉麵&細細個的吉列豬扒飯, 再要了凍番茄, 包一支忌廉。
報告如下:
忌廉保持水準, 唔關佢事
鼓油拉麵, 湯底食到有木魚塊的味道, 帶出淡淡的煙壎味, 叉燒軟滑, 有少少肥膏, 所以又軟又滑, 拉麵叫做可以, 質地與日清的麵王近似, 勝在無鹼水味。
吉列豬扒飯好細碗, 豬扒上有酸汁, 做法與吉列豬扒專門店的近似(當然無咁筍啦), 收你幾錢呀哥仔喂, 係就係比人家乾左少少, 又硬左少少, 同鞋左少少, 但都食得下。
凍番茄, 上面舖有大量木魚片, 下面有鼓油, 凍凍地, 都無好味, 亦無番茄的腥味。
平心而論, 拉麵的味道不及全盛期的橫崗(不過橫崗最正時期都成十幾年前啦, 而家橫崗湯底差之餘, 麵質差又極重鹼水味)。
平平地又可以食得下的日本拉麵, "言"都叫有自己風格, 都ok啦, 未至於網友講到咁差。
但佢個"老"女伙計態度就真係好差下, 入到去要我地坐去近廚房張檯, 好逼; 對面有卡位緊係坐卡位啦, 佢就話未收拾好, 又黑面唔多願俾你坐。
一坐低, 未睇餐牌就問食乜; 我以為去左澳洲牛奶公司; 話睇下先, 佢又黑多次, 眼啤啤仲念念有詞。
結果埋單時一毫子貼士都費事俾佢。
味道係幾好, 但態度就唔多好啦, 佐敦區咁多食肆, 白加士街競爭咁大, 你咁鬼樣, 好易摺埋咖！
張貼