上海珍珍排骨麵 (已結業)

呢日同老公嚟到呢間位於屯門華都花園嘅上海珍珍排骨麵食Bunch, 我叫左一個排骨菜肉雲吞麵($44)配凍咖啡(跟餐$8)，老公就叫魚肉腐皮卷菜肉雲吞麵($44)亦係配凍咖啡(跟餐$8)。首先講講個麵，排骨食落好香口，味道好好，不過肉質實左少少，一共有四粒大大粒菜肉雲吞大大粒餡料足，食落好好食，比排骨出色。湯底味道都唔錯，麵身亦滑溜，唔錯！凍咖啡就普通，略帶少許微酸不過總括呢度嘅嘢都算好食，可以再嚟幫襯！