影片
更多
2019-01-01
1163 瀏覽
同朋友餐聚去左北京樓，book枱既時間可選6點或8點，我地簡左6點時段，一行4人點左個晚市4人餐，北京樓係美心集團其中一間中菜，出名係北京填鴨，觀其店內幾乎每枱都會叫，店內既佈置檯與檯之間既距離唔算太寬敞，不過亦未至太唔舒適，前菜先到，胡麻醬雞絲拉皮，味道唔錯，前菜黎講分量唔算少，醬汁味道亦唔會過咸過膩，北京醬前蹄，會跟左有一個醬點黎食，我就一般，但同行朋友就喜愛，因為味道比較濃。北京宮爆蝦球，本身以為會幾辣，因為見佢有唔少乾辣椒，但食落又唔係，唔算太辣，蝦球大隻爽口，味道微辣中帶少少甜，係當晚其中一味喜愛既菜式。蟹肉南瓜乾貝羹，材料算豐富，但可能係因為係南瓜底，令個湯羹既食唔到南瓜味之餘，亦食唔到海鮮味，味道就係一個淡味而足料既羹，食完都唔係好知自己食過d咩，唔特別，亦唔難食。無錫灌湯小籠包，味道正常。茶樹菇鮮魚方，幾好食，魚方滑再加上茶樹菇同肉碎，口感唔錯，但個汁偏鹹，淡少少會更好。烤北京填鴨（1隻），終於到主角出場，礙於位置關係，雖然店員無係我地位置附近去片鴨肉，但鴨肉上枱時都聞到味道好香，青瓜，京蔥，醬料呢d就必備，烤鴨味道唔錯，皮夠脆香口，鴨肉嫩而肥美，加上醬汁，青瓜京蔥，薄
北京樓係美心集團其中一間中菜，出名係北京填鴨，觀其店內幾乎每枱都會叫，店內既佈置檯與檯之間既距離唔算太寬敞，不過亦未至太唔舒適，
前菜先到，胡麻醬雞絲拉皮，味道唔錯，前菜黎講分量唔算少，醬汁味道亦唔會過咸過膩，
北京醬前蹄，會跟左有一個醬點黎食，我就一般，但同行朋友就喜愛，因為味道比較濃。
北京宮爆蝦球，本身以為會幾辣，因為見佢有唔少乾辣椒，但食落又唔係，唔算太辣，蝦球大隻爽口，味道微辣中帶少少甜，係當晚其中一味喜愛既菜式。
蟹肉南瓜乾貝羹，材料算豐富，但可能係因為係南瓜底，令個湯羹既食唔到南瓜味之餘，亦食唔到海鮮味，味道就係一個淡味而足料既羹，食完都唔係好知自己食過d咩，唔特別，亦唔難食。
無錫灌湯小籠包，味道正常。
茶樹菇鮮魚方，幾好食，魚方滑再加上茶樹菇同肉碎，口感唔錯，但個汁偏鹹，淡少少會更好。
烤北京填鴨（1隻），終於到主角出場，礙於位置關係，雖然店員無係我地位置附近去片鴨肉，但鴨肉上枱時都聞到味道好香，
青瓜，京蔥，醬料呢d就必備，
烤鴨味道唔錯，皮夠脆香口，鴨肉嫩而肥美，加上醬汁，青瓜京蔥，薄餅包埋一齊，的確係幾好食，凍左之後，皮都仲脆，不過鴨肉凍左就小不免有d騷味。
銀芽炒翡翠苗，食完烤鴨食d菜可以清一下味蕾。
最後甜品係桂花酒釀丸子，雖然係丸子但都係芝麻饀，不過酒釀桂花味道都較淡，味道一般。整體味道唔錯，套餐內容豐富，非常飽充，烤鴨做得唔錯，而且價錢合理，但美中不足，店內人手唔算太足夠，服務唔算太周到。
張貼
