WOFT (已結業)

朋友係旺角返工，想約佢出黎不過已經係甜品時間，唯有睇吓附近邊到有好甜品食啦。咁啱見到WOFT就入左去坐低啦。我叫左脆焗棉花糖榛子夾心朱古力批（小)。對於棉花糖有瘋狂obsession 嘅我黎講，係旺角見到佢一定要去試吓。首先，賣相已經好吸引，焗到香膽嘅棉花糖已經令口水分泌增加。掘開棉花糖會見到超足料，超濃郁嘅朱古力榛子醬。配上瑪利餅一齊食，味道不錯。不過，略嫌唔夠瑪利餅唔夠多，如果淨食棉花糖朱古力榛子批就會好膩🙈朋友叫左柚子雪芭 。原本叫柚子雪芭以為係普通雪糕球，點知原來係餐廳自家制雪芭。用原個柚子裝住嘅雪芭有濃郁柚子味，非常清甜。而且用柚皮包雪芭令其味道更香濃。野食質素唔錯，唯餐廳有用餐限時同空間都較逼。如果想同朋友吹耐啲水嘅話就要另覓地點啦。