元朗鬼巴士 (已結業)

在元朗頗有名氣的滷味店「元朗鬼巴士」，原來來了荃灣開分店，我亦終於有緣吃到。基本上分$25的小雜錦和$50的大雜錦。我要了小的，但也塞滿個盒，份量方面都算幾足。我唔食豬心，其餘全部要晒，當中包括生腸、牛柏葉、生腸、滷水柏葉、豬脷、火雞腎、乳鴿腎及豬頭肉。我唔知個老板娘有冇比漏，但感覺腎同牛柏葉好似只有一款。其中牛柏葉及生腸好爽口，頗喜歡，腎也唔錯。醬汁方面這裏冇下豉油，但有一種啡色醬汁，帶甜，還OK。總括而言整頭風格和「肥姐」的有點不同，顏色較淺（橙色的滷味成份較少），口味較一般同類店子淡。由於我個人食東西也較清淡，味道方尚啱我口胃，但如果排隊超過十五分鐘（聽聞元朗店排隊超過這時間）的話，又未必值得，畢竟我還是喜歡肥姐之流（橙色滷味）多一些。