蜜蜜見 (已結業)

好耐無嚟呢邊食嘢，突然諗起網上都講起呢間之前幫襯過又轉咗手嘅小店，幾個朋友都想試吓。裝修無點改變，一樣係有小食主食同甜品，舖內由兩人打理，都好沉實有禮。我哋每人點咗一款主食，另追加兩款小食一款甜品，意粉味道清新，唔油，唔重味，小食同甜品都好味。喺度除咗食得出有心做好每一款食物味道，亦感受到店裏面有嘅心。加配小食$24：3隻雞翼，好大隻，外皮乾身。$24洋蔥圈，好脆好好味，唔食洋蔥嘅我都覺得好味。香煎挪威三文魚扒意粉，好大塊魚扒，新鮮魚肉唔鞋，意粉有微微香草，調味適宜。卡邦尼意粉，上面嘅炸得太硬，意粉乾咗少少。香煎日本帶子意粉，帶子大粒又煎得香，意粉清淡得嚟，唔會搶咗帶子鮮味。香滑榛子醬可麗餅，餅皮好軟，包住嘅係動物淡忌廉，又香又滑，加埋果仁醉同伴碟嘅曲奇碎，口感更豐富。轉配特飲：+$5芝芝蓋茉莉，飲得出茉莉茶香味，清清哋中和奶蓋嘅膩感。+$24芒芝芒芝，芒果奶蓋芝士好多人都必飲，芒果唔算甜，不過感覺親鮮唔係假芒果味。+$24金菠蘿芝士以為會有啲怪，飲落有驚喜，好夾，好味。