阿杏飯團 (東海商業中心)

營業中

休息中

食左個酒店lunch buffet太飽，所以晚上就係附近搵下有什麼好食的，突然好想食飯團，但冷凍的日式飯團又唔係咁合心意，竟然比我發現阿杏飯團。Menu都幾多選擇，仲可以買埋台式飲品，夠哂方便。非常值得讚揚的是，收銀姐姐的服務態度極好，唔厭棄我㨂來㨂去都未㨂好，仲同我逐一介紹每款飯團的饀料。澀谷鴨胸飯團 - 飯團主要係黑糯米飯，配上雞胸，仲有一些肉鬆和少量沙律，配合得很好，食到停唔到口。麻辣雞扒飯團 - 少量的麻辣味道是點綴，提升了整個飯團的口感，雞扒也厚薄適中，極惹味。椰果四季春 - 茶味濃，甜度剛剛好。黑糖珍珠奶茶 - 味道各方面也很不錯。