漁樂 (喜薈商場)

晚餐去「漁樂」食，星期日晚7點幾都算多人，差唔多滿。

兩個人坐卡位，都算舒適。

叫左三樣野：泰香金不換牛肉炒金邊粉、泰式燒野菌茄子 同 青咖哩雞泰國香米白飯。

泰式燒野菌茄子

燒野菌茄子，燒過的芝士鋪係野菌茄子上面，賣相相當唔錯。不過食落就真係爭少少，芝士味滲唔到入d菇同茄子度，茄子燒得唔夠，中間仲有好多水同好硬，無燒茄子果種香淋。

青咖哩雞泰國香米飯

青咖哩雞飯，青咖哩味道好淡，完全唔覺自己食緊咖哩。雞都算多，但有d鞋。

泰香牛肉炒金邊粉

牛肉炒金邊粉，望落去炒得好靚，好有鑊氣。但食落就無乜味，唔知自己食緊乜咁...

整體黎講，呢間野味道比較淡口，如喜歡重口味的，最好就唔好試。