到會家

食物味道同份量都OK，送餐都準時,  送到黎都係熱既，包裝都唔錯
但發現漏單，明明張單顯示佢地出餐前逐樣對過，剔埋都可以送漏
即時通知客服，似乎佢地已經習慣漏單，話廚房已經收工無辦法整過送黎，又即時道歉同應承14個工作日內退款
唔夠食唯有又要落街買外賣，麻煩到個客人又無癮
退款仲要拖到第14個工作日都未收到，問客服既時候又話要問經理，半日都無回覆，話經理放假佢地都揾唔到人
講明14個工作日退款，點會當日先問經理，成個售後服務極差，而家都未知幾時先可以收到退款
訂之前見唔同平台都講過有漏單情況，不過諗住食物質素幾好就一試，但只此一次!