美味佳

叫左10 串野食，由7:30 入座，間唔中就黎一兩樣，但都漏單漏左好多樣食物。等到9:30都未上齊，足足兩個鐘！過份既係個店員阿姨一直知道嘢食未齊曬，一直叫我地等，遲過我地入座，仲要係叫同一樣食物既人都食完，走埋，我地個串燒都仲未黎到，淨係識叫我地等陣等陣，最後頂唔順，跟住走既時候話取消個串燒，隔離燒緊個嘢食個阿姨態度仲要過分到話「等唔到就唔好食」，一聽到火都黎埋，其他店員阿姨態度都好差，仲要唔覺得自己有問題，俾錢仲要食到一肚氣，絕無下次！