After You Dessert Café (已結業)

💎總評分：7/10——🍧芒果刨冰 $148 (7/10)呢間人氣泰國過江龍相信大家都唔陌生，一場黎到緊係要試下佢地嘅招牌刨冰，聽講呢個刨冰經常好早就賣曬，所以我都早啲過去。刨冰嘅質感比較棉密，食落似棉花糖😂佢可以一直keep住唔融除左啲冰有芒果味佢入面都放左真芒果，所以食落去唔會有種好假嘅水果味而出面嘅白色cream唔會話好甜食到一半就見到啲糯米飯，佢另外有提供椰汁比我地撈埋啲冰一齊食，食起上黎都幾夾。本身睇相以為個冰好大（類似Shari shari嘅size），點知比想像中細好多（個碗同平時食飯個碗差唔多大），所以$148嘅定價我覺得有啲貴🤨—🍞🍯原味蜜糖吐司$108 (6.8/10)老實講初初諗住食個冰已經夠飽，但係未入去之前見到人地食緊個咁細嘅冰仲要share都心諗一定要叫多樣嘢。我地係四款吐司裡面揀左佢地嘅bestseller。平時好怕食吐司個邊好硬，但呢個包邊好容易咬，唔會過硬。不過味道都係正正常常 ，冇話特別驚艷。