Domon 札幌拉麵 (已結業)

尋日九點幾入到去滿左８成，店內只剩下ｂａｒ台位～成個場既客人都出奇地靜，有ｄ唔慣，跟住歐巴桑侍應就拎住張ｍｅｎｕ不停介紹食物，佢非常之投入咁介紹，講到樣樣都幾好咁，最後叫左個＄２５８既２人餐，作為一間拉麵店，我覺得佢既拉麵唔錯，湯底唔太濃，好易食得出唔係味精湯底，燒一夾即散，非常鬆化，其他食物還有魚餅（ｗａｉｔｒｅｓｓ特別介紹）、螃蟹腳、海鮮沙律、蝦餃子和雞軟骨串燒，作為一間中價日式拉麵店，食物係合格有餘！下次行完利時會再去試多次，試埋佢既長蟹腳同埋冷麵～呢間店絕對值得去多幾次～不過間鋪真係有少少熱．．尤其是食完一碗香噴噴熱騰騰既拉麵。