影片
更多
2017-02-20
817 瀏覽
今日收完工返到屋企附近，諗住食埋野先至返去，選擇咗呢間中華小廚，位置喺將軍澳港鐵站附近，行3分鐘左右就到，好方便！餐廳裏面，有好多唔同嘅菜式可以供選擇，今日我哋揀咗蒸飯類嘅。以前試過一啲小炒，不過味道相對就普通一啲。我哋三個人叫左一個XO醬蒸滑雞一個蒸餸跟一個飯，即叫即蒸，大約15分鐘左右，新鮮蒸出嚟嘅滑雞非常鮮嫩，加上XO醬，味道惹味得多，有少少辣，亦都好香口，餸飯一流！另外叫咗一個蒸水蛋第一次上台嘅時候，蒸水蛋裏面似乎未蒸熟，好水嘅感覺，我哋怕太生，所以要求侍應再拎去廚房蒸多陣。蒸之前仲擔心緊啲水蛋蒸完再蒸，會唔會好老，但喜出望外嘅係，再一次蒸完之後，水蛋變得非常之滑，而又唔會有一種好水好生既感覺，啱啱好！加嘢飲，加＄9 ，我哋叫咗一個凍檸茶一杯比較正宗港式茶餐廳嘅檸檬茶，一餐飯最緊要嘅就係有杯好味嘅檸檬茶去餸！最後我重點推介呢一個鮮油薄多！只需要＄14嘅價錢，就可以食到兩片夠晒足料嘅鮮油多！如圖所示，烘得啱啱好嘅麵包外層，再加上兩片厚厚嘅牛油，咬落去一冷一熱嘅感覺，仲有外脆內硬嘅口感，真係充滿罪惡感幾乎每一次嚟到都必定要食佢，因為真係好抵好抵！蒸餸嘅餐牌如圖所示：成餐飯三個人食都
餐廳裏面，有好多唔同嘅菜式可以供選擇，今日我哋揀咗蒸飯類嘅。以前試過一啲小炒，不過味道相對就普通一啲。
我哋三個人叫左一個XO醬蒸滑雞
XO醬蒸滑雞
$65
76 瀏覽
0 讚好
0 留言
另外叫咗一個蒸水蛋
瑤柱肉碎蒸水蛋
$62
71 瀏覽
0 讚好
0 留言
蒸之前仲擔心緊啲水蛋蒸完再蒸，會唔會好老，但喜出望外嘅係，再一次蒸完之後，水蛋變得非常之滑，而又唔會有一種好水好生既感覺，啱啱好！
加嘢飲，加＄9 ，我哋叫咗一個凍檸茶
凍檸茶
$9
54 瀏覽
0 讚好
0 留言
最後我重點推介呢一個鮮油薄多！
鮮油薄多
$14
69 瀏覽
0 讚好
0 留言
蒸餸嘅餐牌如圖所示：
成餐飯三個人食都只係＄164 ，一餐晚餐以呢個價錢來計，仲要食物嘅質素都唔錯，唯一係成個場比較忙少少，員工未必可以好快咁樣去幫到你，但係整體來講，呢個都係超值之選，信心保證！
張貼
