小樽分子 (已結業)

阿爸去荃灣聽歌，番到屋企都已經十一點幾，估唔到佢仲外賣咗甜品俾我地食。一於唔理係咪會肥好多，十一點幾照食可也。佢買咗三個甜品。紅毛丹山手線聽個名完全唔知咩黎，食完都未必知。睇番張menu 先知完來係melon and mango 的蒟蒻條。本身無咩味，係有少少蜜瓜味，但芒果味欠奉。個湯水本身又無咩味，所以整體味道好淡。望落白白地色，但無奶味/ 煉奶味/椰汁味。有色無味。紅毛丹內有一粒菠蘿，幾創新。喳咋勁多芋頭粒同豆，反而西米就唔係咁多。味道唔會太甜，有椰汁味。不過d豆煲得未夠淋，眉豆仲幾硬身。木康豆腐布丁面頭勁多餅碎，食時唔小心吸氣，即刻choke 死。豆腐好滑，好味，又唔好似傳統木康布丁咁漏。