金牌小龍 (已搬遷) 新店位置

之前買左coupon，所以今日就黎試下！星期六中午都幾多人差不多有八成滿，遊客都佔唔少。同老婆兩個人分配左四人卡位，坐得舒服。茶位$7個黎度金牌小籠都要叫籠金牌小籠包試試先得既($36)，一籠有四個，小籠包皮薄，但用筷子夾起小籠包唔會易穿，有肉汁，配上豉油薑，味道一般，未算金牌！台式擔仔麵($36),，有好滑既麵，好入味既鹵水蛋半隻，蝦一隻，豬肉碎，葱同芽菜，配上清湯，幾好食，但份量小。上湯肉鬆菠菜($62)，菠菜，皮蛋，肉碎煮成菜湯，菠菜爽又甜，好味道！紫糯米八寶飯($36), 甜品當飯食，賣相唔錯，但太甜！