影片
更多
2016-01-28
2190 瀏覽
依幾日氣溫急劇下降，最啱就係食海鮮塔，暖lub lub 又有特色。今日同埋屋企人黎左依間朋友大力推介既九重鮮，食完真係覺得同海鮮塔相逢恨晚，因為真係好好味，將海鮮既鮮甜發揮到極至！我地叫左首爾塔（$398/person)。店員一送個塔上黎既時候真係嚇親，真係好高好架勢 一黎到唔係即刻可以食。要等到塔上的溫度計顯示到左指定溫度先食得。等左大概十分鐘就食得啦。 首先第一層係聖子+大蜆。大蜆非常鮮甜而且多湯汁，食一啖已經成個口甜哂，有好幸福既感覺。係我成個塔入面最愛既食材之一！第二層係鮮帶子。我本身係帶子控，平時餐廳一定係優先點有帶子既菜式，所以我對帶子係有要求的。 依間餐廳既帶子絕對係新鮮同埋有帶子既甜味，唔係急凍到無味既貨式。滿足兼收貨！ 第三層係大蝦。依個我有少少失望，因為我食中個幾隻係霉霉地，唔夠爽。不過爸爸話佢個幾隻冇事，可能係我唔好彩。 之後五層係北寄貝+龍躉。我第一次食新鮮有殻既北寄貝，個人覺得無第一層既大蜆咁鮮味同驚艷。不過都係爽甜好味既。龍躉我覺得好多肉，但同平時食開d蒸班球差唔多，不過不失。 第六層又係蜆。同第一層既蜆一樣咁鮮甜多汁。值得一讚
今日同埋屋企人黎左依間朋友大力推介既九重鮮，食完真係覺得同海鮮塔相逢恨晚，因為真係好好味，將海鮮既鮮甜發揮到極至！
我地叫左首爾塔（$398/person)。店員一送個塔上黎既時候真係嚇親，真係好高好架勢
一黎到唔係即刻可以食。要等到塔上的溫度計顯示到左指定溫度先食得。等左大概十分鐘就食得啦。 首先第一層係聖子+大蜆。大蜆非常鮮甜而且多湯汁，食一啖已經成個口甜哂，有好幸福既感覺。係我成個塔入面最愛既食材之一！
第二層係鮮帶子。我本身係帶子控，平時餐廳一定係優先點有帶子既菜式，所以我對帶子係有要求的。 依間餐廳既帶子絕對係新鮮同埋有帶子既甜味，唔係急凍到無味既貨式。滿足兼收貨！
第三層係大蝦。依個我有少少失望，因為我食中個幾隻係霉霉地，唔夠爽。不過爸爸話佢個幾隻冇事，可能係我唔好彩。
之後五層係北寄貝+龍躉。我第一次食新鮮有殻既北寄貝，個人覺得無第一層既大蜆咁鮮味同驚艷。不過都係爽甜好味既。龍躉我覺得好多肉，但同平時食開d蒸班球差唔多，不過不失。
第六層又係蜆。同第一層既蜆一樣咁鮮甜多汁。值得一讚既係d南瓜非常甜！！驚喜過d蜆 而食到依層終於開始有飽肚感覺
食到第七層係蟹。蟹都幾多肉，不過略嫌唔夠多膏，因為我係鐘意食膏既人，所以有少少失望。但蟹肉唔霉同埋係甜既，所以都俾個like佢。
第八層終於到媽咪期待以久的鮑魚！鮑魚比想像中大隻，有半個掌心咁大。味道方面，鮑魚本身夠新鮮，所以就算佢冇加蒜頭䓤花落去，都好夠鮮味，正！另外，配菜又一次搶鏡 - d日本蕃薯好甜！好食到想淨encore蕃薯（而唔係鮑魚xd)！
第九層係螺肉，不過我掛住食唔記得影。螺肉我覺得有d失色，因為無乜味。好彩佢有個梅子醬，點完就即刻醒晨哂。食完九層其實已經飽到不行，不過仲未完，因為仲有最後一層，亦係精華所在 - 海鮮汁粥底！因為吸收哂上面九層既汁，所以粥底十級鮮甜！我就算好飽都飲左兩大碗。
總括黎講，依餐海鮮塔食得非常滿足，絕對會回頭再encore!
張貼
