南記粉麵 (士丹利街)

營業中

休息中

黎到南記，叫招牌春卷就一定無死，所以我今次就叫左春卷墨魚丸河 $29。話說我自己係香港仔長大既，所以可以話係由細食南記食到大。今日食佢個春卷仍然係好好味，抵讚。 另外我一路都鐘意食佢個墨魚丸，硬係覺得佢比一般既鋪頭好食。所以春卷同墨魚丸都無咩挑剔定啦。反而今次想彈下佢個湯，味精明顯比以前多左好多（我都知之前有），我食完之後係好口乾，之前食好多次都無呢個情況，希望佢可以改善一下啦，唔好將一間老店個名做衰。雖然係咁，$29係中環黎講都真係算平，overall都算合格既。