麺匠 真武咲弥 (已搬遷) 新店位置

今日同同事出去食lunch經過哩間拉麵店，望到佢出面個餐牌有款拉麵叫炙燒味噌拉麵。味噌之前都聽人講過營養價值好高，能夠預防同治療便秘、腹瀉、肩膀痠痛、高血壓、癌症等問題。咁健康，碗麵賣相都唔錯，所以決定一試。上菜速度都幾快，先上嘅喺餃子，餃子煎到少少燶邊，望落都幾吸引，不過餃子皮太淋，裡面肉質鬆散，口感味道都好一般，好失望。拉麵黎喇！湯底色澤光鮮，睇個湯底咁結應該花左好多時間餚製而成。的確啖湯好濃味，喺重口味先岩，感覺好重味精，好涸喉。唔知味噌本身喺咪咁，我就唔太鐘意。不過拉麵都幾彈牙，叉燒都夠淋。不過拉麵個湯底唔掂，其他地方再好都好難補救。哩到都有其他款式嘅拉麵，有機會再黎會轉食其他。