安安燒 (染布房街) (已結業)

旺角其實有好多野食，不過成日企係百老匯街都諗唔到食咩好.. 今日又企係到果時就諗起不如去下食串燒。一點左右到就立即有位，可能佢地點唔係大街所以唔係太多人識，如果佢貼返D POSTER係地鐵站果頭應該會多人識D。原來冇嚟一排，佢有個新搞作三重芝士撈丁~$56蚊一個芝士撈丁，加2條串燒，係旺角區搵個位落腳又有野食真係唔算貴。另外餐係要加錢先有野飲，不過各位可以打打FACEBOOK咭拎個免費野飲!我揀左燒鮮冬菇同秘製醬燒CHICKEN WINGS。個冬菇係有驚喜!! 冇諗過佢可以咁乾身但係又係林同夠味!!! 4粒勁快俾我食晒~ 而隻翼都幾幾味，有別於一般既蜜糖味，其實食完第一隻(左)好好食，不過第2隻(右)就有點過火有點硬。主角到啦!!! 哇~ 堅係香既芝士味!! 仲要比我平時食既印尼撈面大成個碼，本身諗住小食心態食既一餐當堂變左做正餐啦!女仔嚟講份量超足夠啦!撈完既面啖啖都有芝士味，再一次證明安安燒真係落足料!仲有一個湯係俾客人想有少少濕濕地果時用，因為我都幾鐘意食撈面，所以冇咩點用過。老闆仲會播返D好好笑既戲，我去果時就播緊某集家有囍事，正呀~其實仲想再食其他串燒，不過唔係太平，驚叫左食