影片
更多
2022-06-19
34 瀏覽
今年為左慶祝周年紀念日就一早預約左依間主要食法國菜🇫🇷嘅餐廳，環境燈光比較暗，反而突顯出餐廳個酒架同埋吧枱🍾燈光加上佈置令環境有浪漫氣氛。有一個位值得一提係餐廳鋪面係由幾塊落地大玻璃組成，當閂埋之後就會霧化變成白濛濛，私隱度好高，令人可以集中返餐廳入面😶🌫️雖然餐廳有提供唔少套餐可供選擇，但係我哋選擇咗單點食物，因為想食多啲唔同嘅主菜🤤我地分別叫咗半打日本生蠔🦪做前菜，生蠔隻隻都大隻飽滿，味道濃郁，配上檸檬汁同埋微辣嘅蕃茄辣醬🍅味道更上一層，又叫左一份烤加拿大海膽多士做小食，擺碟非常精美，多士上面有一片金箔🤩，海膽厚身而且非常鮮甜，多士又脆卜卜😋到主菜我哋分別叫咗威靈頓牛柳同埋慢煮黑毛豬鞍.焦糖蘋果，威靈頓牛柳我哋選擇左五成熟，肉質鮮嫩多汁軟荏，呈現粉紅色，牛味重，外層酥皮厚薄適中，仲有一層味道唔錯嘅薯蓉鋪底👍而豬鞍就係全熟，厚度有番咁上下🤤就咁切嚟食都好好味，只係帶有一種油膩感，配埋酸酸甜甜嘅蘋果蓉一齊食可以去除果種油膩感，而且仲有蘋果薄片可以夾埋嚟食，口感清爽之餘，味道都平衡得好好😍由於驚唔夠飽，我地仲叫多份蒜片辣椒蟹肉扁意粉🍝，味道微辣，意粉咬落口感彈牙，而且足料，仲有少少魚子醬
燈光加上佈置令環境有浪漫氣氛。有一個位值得一提係餐廳鋪面係由幾塊落地大玻璃組成，當閂埋之後就會霧化變成白濛濛，私隱度好高，令人可以集中返餐廳入面😶🌫️
雖然餐廳有提供唔少套餐可供選擇，但係我哋選擇咗單點食物，因為想食多啲唔同嘅主菜🤤
我地分別叫咗半打日本生蠔🦪做前菜，生蠔隻隻都大隻飽滿，味道濃郁，配上檸檬汁同埋微辣嘅蕃茄辣醬🍅味道更上一層，
又叫左一份烤加拿大海膽多士做小食，擺碟非常精美，多士上面有一片金箔🤩，海膽厚身而且非常鮮甜，多士又脆卜卜😋到主菜我哋分別叫咗威靈頓牛柳同埋慢煮黑毛豬鞍.焦糖蘋果，
威靈頓牛柳我哋選擇左五成熟，肉質鮮嫩多汁軟荏，呈現粉紅色，牛味重，外層酥皮厚薄適中，仲有一層味道唔錯嘅薯蓉鋪底👍
而豬鞍就係全熟，厚度有番咁上下🤤就咁切嚟食都好好味，只係帶有一種油膩感，配埋酸酸甜甜嘅蘋果蓉一齊食可以去除果種油膩感，而且仲有蘋果薄片可以夾埋嚟食，口感清爽之餘，味道都平衡得好好😍
由於驚唔夠飽，我地仲叫多份蒜片辣椒蟹肉扁意粉🍝，味道微辣，意粉咬落口感彈牙，而且足料，仲有少少魚子醬添😆食飯點可以冇飲品呢🥂
Rainbow 🌈雖然佢叫彩虹，但杯野只係得三隻色🤣以橙汁同藍橙酒為主，飲之前攪勻，味道甜甜，酒味唔重
Rose 🌹上面有過大波波，打卡一流，以荔枝酒為主，飲落淡淡荔枝味，而酒味相對較重
整體來講，餐廳位置交通方便，別具特色，好適合嚟享受二人世界，同朋友嚟傾偈
張貼
