煎餅廚房

營業中

休息中

之前見好多人係門外排隊﹐下午3 點幾見無乜人一於去試試。買左一個北京填鴨話要等20-25分鐘﹐服務態度OK 但全程望住部收銀機唔望人既﹐亦無之前評論說提出留電話no. 整好後就call 我。於是我25分鐘後出現就出事了﹐原來一早整好左擺埋一邊。(亦怪自己下次真係要早D 15分鐘後出現等)說回正題﹐一定要襯熱食。份量可以﹐但薄皮上面既雞蛋唔太平均﹐而且略嫌醬汁少左D﹐寫到一半覺得有D 乾。味道一般啦﹐鴨肉唔un但唔嫩。實話實說以34蚊呢個價錢唔算抵食﹐間唔中食下無妨, 但如果每次買一份都要等20-25分鐘以上就唔值喇﹐店外係大馬路附近都係食肆無地方好行好難打發時間。當我心血來潮想寫下食評look 下之前D評論﹐發現最新果幾篇既tone 似賣廣告多D o羅﹐這亦正正解釋了開始少左人幫襯既事實。我都希望呢間店可以維持落去﹐俾我地有多個選擇。但係如果搞唔掂縮短製作時間或者提高食品質素﹐相信好多人(如我)都係貪新鮮試過一次就算。