景福宮韓國餐廳 (已結業)

星期日晚六點半兩個人上去，一入內無人招呼，幾個女侍應經過望見都無理我，好難得有人肯問我幾多位，之後擾攘一輪再叫另一女侍應帶位，行入去時四周打量未有半滿，但竟然安排我倆埋一枱已坐六人的長枱搭枱，而且該位其中一面是柱，即要兩人平排搭枱望柱瑟縮，我立即指住另外四、五張四人空枱話點解我唔坐得而要搭枱，該侍應話想食就要搭枱，其他枱要留俾四位嘅客，我只可以講一聲然後掉頭離開。應該係繼扒王之王之後另一間我今生今世唔會再去嘅食肆。祝佢生意興隆！