鼎記 (已結業)

同女友行旺角，行到8點左右搵野食。咁岩喺呢頭，又落雨。女友又想食下小菜，見到呢間2人餐有燒味，好似幾好，就入左黎食。睇完叫左2人餐，咕嚕肉，燒腩仔，生菜。又想食多啲啲，咁睇餐牌，叫多個三色蒸水蛋啦。二人餐既菜好快就黎哂，咕嚕肉應整定，有單就撈汁上碟，唔夠熱。燒腩仔唔夠淋，皮唔夠脆，生菜幾綠，幾友成碟食哂。仲有2飯2例湯。飲品要加錢，百幾蚊算係咁啦而且佢地態度唔錯，問佢地要芥末，佢地都好似好樂意咁拎黎，仲會問要唔要薑蓉，幾好。問題喺三色蒸水蛋嗰度，可能我問題，冇摧佢地，呢碟好耐先黎。黎到我就O左咀，蒸到老哂，蛋唔滑，直頭係鞋口，皮蛋硬左。我一路食一路搖頭，完全唔掂。非常失望＞＜埋單234蚊，加埋4餸連飯連湯連野飲（飲品要加錢，凍飲每杯9蚊）唔算貴，不過抱歉講句：如果冇乜野，都唔會再黎。