東京街日本料理 (西洋菜南街)

鐵板燒人氣組合

基本上所有嘢都油浸過咁，表面反光「靈一靈」，第一次叫呢個鐵板燒，懷疑食材燒好攤凍，再連爐連鐵板拎出嚟加熱。

鐵板燒人氣組合

$159

大燒雞肉卷，咬落以為食緊油鴨髀。

秋葵金菇牛肉卷，啲金菇已經乾硬化。

一口豚肉，肥膏比例勁，一食滿嘴油。

奉獻大家，喺收鋪前，千祈千祈千祈唔好叫呢個鐵板燒，否則悔終生！

平時惜食嘅我，最後食剩一半⋯⋯

平心而論，手卷係好食，清酒蜆係正路，蟹柳天婦羅都偏油。

下次嚟都唔敢叫同油有關嘅食物，唔敢太夜嚟搵食。