麻辣仙宮 (已結業)

朋友上次黎過呢間「麻辣仙宮」，覺得呢間餐廳既川菜都幾正宗~今日趁lunch time 就帶埋鍾意食川菜既同事一齊黎歎下佢地既午市套餐先~🌟午市2人套餐🌟🔹涼伴小食兩款 (金花皮蛋 及 手拍青瓜)- 兩款涼伴小食份量都幾豐富~我地最鍾意手拍青瓜，好爽脆，加埋特製嘅辣汁，夠晒惹味~🔹主食兩款 (麻婆豆腐 及 水煮牛肉)- 麻婆豆腐既醬汁相當出色，辣辣地食得好過癮~豆腐入口軟棉棉送飯一流~- 水煮牛肉用料充足，牛肉份量夠哂多而且肉質鬆軟~湯底入口酸辣惹味，配菜既大豆芽又多又入味~🔹自選飲品 - 洛神花茶- 食辣野點都要叫返d野飲中和下先~呢度既洛神花茶，微微酸，好開胃而且解辣一流，必試~———————————————————既然同事咁鍾意食辣野，一於再叫多一個干鍋先~🌟自選干鍋🌟雞球、炸支竹、紅薯粉、鮮准山、萵荀及五花腩片 (微辣，麻辣 - 小麻)呢度既干鍋夠哂鑊氣，香噴噴辣辣地好惹味～五花腩片吸收哂配料既香辣味，再加埋紅薯粉索滿醬汁，食得好滿足~———————————————————總結呢度既辣野，食到人好過癮又夠刺激，忍唔住係咁食~川菜味道正宗，食材及用料都好豐富，性價比高～