自助燒 SO GRILL (已結業)

晚市成人$158加一限120分鐘(星期六日及公眾假期加$10)++++++++++++食物方面，選擇好多++++++++++++1.甜品區有布甸，蛋糕，生果，雪糕，豆腐花，芝麻湖，仲可以自製棉花糖。我最欣賞既係tiramisu,超好食，我未食過任食而又非甜品做主打既tiramisu會咁好食，真係超級好食!!!另外佢個豆腐花都唔錯😋2.燒烤區有五花腩，牛仔骨，雞翼，豬頸肉，龍利柳，魷魚，一口牛，茄子蔬菜等，太多數唔曬，而我最欣賞既係個龍利柳，因為好易燒，好快有得食😂啲肉又滑，一舊接一舊，無停過口。個雞翼都好味，但相對就要燒得比較耐，雞翼出好多油，成油會比啲油彈到，要小心!牛仔骨啲肉都好嫩好好食。要彈一彈既係啲五花腩，佢好薄，燒一燒就會變黑，賣相唔多好，同埋唔知係咪太易熟既關係，食落好硬，麻麻地。3.沙律區有蝦，沙律菜同少量配料，啲蝦質素又ok喎，啲肉唔會謝，都幾爽口。雖然沙律區選擇較少，但其實都夠。4.壽司區有甜蛋，腐皮卷，加洲卷，三文魚同大量卷壽司，主部都好多飯好易飽，所以都試唔曬，只試左甜蛋同腐皮卷，兩個都好食，如果有淨甜蛋就好😍5.炸物區有薯條，雞塊，春卷，咖哩角，炸魚手指，炸雞。