天海 (已結業)

小編生日週、日日都食好西呢！真係好開心！其實食完一餐好味既真係可以成日都好心情！今日又去試新嘢、呢間餐廳雖然唔係新開但小編其實成日都心思思想去試，但小編平日食飯時間又唔敢去事關佢地表明午餐只限20食、餐廳得10個位、小編真係怕碰釘冇🉐️食就好掃興啦。今日係星期六、起碼冇左d打工仔同小編爭、加上小編一早12點就去到啦、入面得一個客ｏ者、我地一行四人就拿拿臨入去食最愛既天婦羅啦。佢地既午市套餐好簡單、4款包括天婦羅御膳（兄）即係多d餸咁解啦、天婦羅御膳（弟）、天丼(姉)、天丼(妹)。當然小編㨂我最愛既天丼啦、母親大人就試佢地既御膳（即係一件一件炸上黎）碗飯好靚、飯好好味道、d餸配住醬汁都非常惹味、初時見到飯係冇醬汁既、仲驚佢唔夠味、但d炸蝦、炸物全部都沾左醬汁所以都非常夠味，小編唔洗小飯都食曬lu！真係lam曬脷好滋味呀！小編去東京旅行既時候一定去金子半之助食天丼，佢地既天丼係非常出名、仲要價錢勁抵、大約70元港幣，雖然香港食就要250但小編認為呢度既天丼絕對拍得住日本ｏ個d，所以小編真心覺得ｏ係度用餐好似置身日本一樣，同樣質素。另外順帶一提雖然師傅不苟言笑但都好有禮貌既，大家不用怕