四寶食堂 (已結業)

今日同朋友兩個入咗嚟呢一間四寶飯堂, 我個人就幾鍾意呢啲新穎嘅餐廳, 首先佢可以keep好大眾化嘅價錢, 比較新穎舒適嘅環境, 同埋可以同朋友傾耐啲都唔會畀人趕. 今晚我就叫咗個叉燒滑蛋飯, 煎美國牛板腱同埋蟹肉扒豆苗同朋友share食. 首先嘅沙律係跟個牛扒送嘅, 廚師發板沙律薯仔青瓜沙律菜味道正常, 朋友就飲咗個蘑菇忌廉湯, 我個雪梨燉湯夠曬熱又好飲, 本身加咗雪梨就甜甜地, 飲落去唔覺有味精. 叉燒滑蛋飯冇令我失望, 個滑蛋係我expect到嘅香滑味道. 加咗少少黑蒜豉油, nice. 牛板腱本身嘅肉質都ok, 可能我哋叫八成比較熟一啲, 下次應該叫生少少好啲. 最喜出望外就係個蟹肉扒豆苗, 真係好好食又嘅事佢個汁做得好好. 分量又夠大份. 最後我覺得我杯凍奶茶, 比出面大部分茶餐廳好飲. 我叫多奶, 奶香味重茶底唔澀. 整體嚟講如果你講求方一食番餐又想同朋友吹下水, 呢度真係唔錯選擇.