一生懸麵 (荃灣千色匯I) (已結業)

慕名而來食個雪糕拉麵，果然無令我失望！桔仔乳酪味雪糕柚子拉麵， $98。一黎到已經俾個雪糕深深吸引住，第一時間食咗個甜筒先，仲係脆嘅！之後飲一啖湯底，柚子味道濃郁，上面仲有柚子皮，好清新雪糕好清新，食落毫無負擔感，就咁食最正，溶咗落湯度都好夾。拉麵粗身，口感彈牙。半熟蛋呈流心最佳狀態，醬油味好香。叉燒有兩大塊，偏肥，但超香超軟超好味！心甘情願吸收卡路里~配菜有紫菜、豆芽、火箭菜，有錦上添花嘅感覺。會再黎！