NINETYs (皇后大道東) (已結業)

平日同大少都比較少過港島區，今日專登過去灣仔呢個好特別嘅社區行吓搵吓嘢食。之前都已經有見過朋友去呢間餐廳度食飯，見到食物嘅賣相都相當吸引，所以我哋今日都專登去試下。一入去見到樓底相當高，裝修亦都十分精緻。睇到佢哋所有用嘅用具都十分之精美，全部都係有用心去配襯過，連一啲好細微嘅位置都知道佢哋有用心去考究過，所以食物你都應該有一定質素。大熱天時梗係要叫番杯凍野飲下降下溫先。兩杯凍飲都係用左茶去調配，另外再加番啲果汁， 有茶味之餘亦都十分之清新我就叫咗個black cod配蕃薯茸。一上枱見到個賣相已經覺得十分吸引，個魚本身質素相當好，再加上廚師煎焗得啱啱好，配埋一個好似日本嘅照燒汁令到魚肉更加鮮甜。而大少就叫咗個豬五花腩配西芹蓉。一上枱嘅時候見到嗰兩舊豬五花腩大少就已經流晒口水。五花腩個皮煎得十分金黃香脆，配埋喺底嘅西芹蓉啱啱好可以消除左五花腩嘅油膩。最有驚喜嘅就係喺頂頂嗰啲炒咗嘅京蔥絲，喺入邊再加左少少切左絲嘅parma ham，味道一流。但是大少覺得唯一美中不足嘅就係份量少咗啲啲總括來講呢度嘅食物質素絕對有水準，呢個價錢有咁樣嘅質素絕對係超值。下次我地再嚟灣仔嘅時候一定會再幫襯。