影片
更多
2011-07-22
21 瀏覽
其實早係兩年多前呢間Misocool係鰂魚涌開店，畀我知道佢地有款麵係用蒟蒻製造名為啜啜麵已經想食喇，而且更有番茄湯底添，令我更加想食啦！但我本身又好少出街食飯嘅，就更加冇乜機會食到咯...之後我知中環都有分店，不過都係要過海呢，直到Ｋ１１開幕後，有日係尖咀地鐵站行經Ｋ１１畀我見到有間食店咁熟口面嘅？咪走埋去睇兩眼囉....噫~~原來係啜啜麵店喎，咁正係呢到開分店，咁我咪可以試吓囉！！呢晚我同好朋友點了一個主菜，另加$20可以4款任選2款前菜及飲品：﹣我：什菌有機野菜拉麵 ($54) 轉啜啜麵(+$12) + 套餐($20) 野菜沙律、芝麻醬豆腐配即磨咖啡 = $86友：脆炸芝士魚柳日式咖哩飯 ($57) + 套餐($20) 麵豉湯、芝麻醬豆腐配青蘋果雪冰(+$15) = $92另加＜一口元貝 ($33)＞合共：$232點完野食，侍應話要等大約 20mins，見佢好認真話要等20分鐘，所以我都好認真計時喎，最後都唔使咁耐嘅，係最後上枱的＜脆炸芝士魚柳日式咖哩飯＞就真係要２０分鐘喎，真係即點即製？但見碟飯我又唔見有煙出，不過問過友人食落口又話係熱喎，仲話好食添。呢次食完後都覺得呢間M
但我本身又好少出街食飯嘅，就更加冇乜機會食到咯...之後我知中環都有分店，不過都係要過海呢，直到Ｋ１１開幕後，有日係尖咀地鐵站行經Ｋ１１畀我見到有間食店咁熟口面嘅？咪走埋去睇兩眼囉....噫~~原來係啜啜麵店喎，咁正係呢到開分店，咁我咪可以試吓囉！！
呢晚我同好朋友點了一個主菜，另加$20可以4款任選2款前菜及飲品：﹣
我：什菌有機野菜拉麵 [番茄湯] ($54) 轉啜啜麵(+$12) + 套餐($20) 野菜沙律、芝麻醬豆腐配即磨咖啡 = $86
友：脆炸芝士魚柳日式咖哩飯 ($57) + 套餐($20) 麵豉湯、芝麻醬豆腐配青蘋果雪冰(+$15) = $92
另加＜一口元貝 ($33)＞合共：$232
點完野食，侍應話要等大約 20mins，見佢好認真話要等20分鐘，所以我都好認真計時喎，最後都唔使咁耐嘅，係最後上枱的＜脆炸芝士魚柳日式咖哩飯＞就真係要２０分鐘喎，真係即點即製？但見碟飯我又唔見有煙出，不過問過友人食落口又話係熱喎，仲話好食添。
呢次食完後都覺得呢間Misocool完全可以翻兜呀！！
最先來到的＜麵豉湯＞唔係好濃郁，幾清淡，碗中冇乜料，不過都算幾味。
之後已經係到我的＜什菌有機野菜啜啜麵 [番茄湯]＞，先來飲啖湯，番茄湯味濃，睇落又唔似有咁濃味喎，估佢唔到呀吓！黑色碗真係好有型，雖然睇落碗大麵餸少，但食落去就唔係喇，我足足慢慢食都要食廿分鐘，好似食極都未完咁，因為啜啜麵有咬口又勁索湯汁，所以都幾雖時食架，趕時間就唔好叫佢喇。
而什菌同野菜應該都炒過吓，好味料又多，啜啜麵又煙煙韌韌吸埋湯汁一齊食又係好味！！
＜野菜沙律＞和＜芝麻醬豆腐＞一同上枱，野菜沙律分量雖少，不過蔬菜新鮮，幾好。其實我唔鍾意芝麻醬，但又鍾意食豆腐喎，所以都有食吓，又幾好味喎，芝麻醬唔甜都幾有芝麻味，豆腐又滑，似係百福出品喇。
＜一口元貝＞一碟４件的一粒連裙邊的元貝放係品客薯片上面，的的骰骰，元貝頂分別有飛魚子和魚子醬，配上法式忌廉香草汁，賣相的確靚仔，亦都好食啫，ＧＯＯＤ！
＜脆炸芝士魚柳日式咖哩飯＞試食友人的炸魚，都炸得好鬆化，中間夾住淡淡既芝士，又真係幾OK噃！
個咖哩汁只有少少辣，配菜就少咗Ｄ，如果可以多加２~３舊薯仔或甘旬就更好喇，因為隻碟好大嘛，應覺好似好空咁，不過以呢個價錢來講，整飯既質素都好有水準。
＜即磨咖啡＞ 冇乜特別好唔好飲，同麥啡差唔多啦。
＜青蘋果雪冰＞ 冇乜青蘋果味，似另外一種生果，但又講唔出，幾甜，一般啦。
張貼
