一休鐵板燒 (已結業)

一休鐵板燒 (旺角)旺角通菜街121號6號舖去旺角東嗰時，經過通菜街，睇到呢間舖頭，設計簡約但係餐牌吸引，廚師👨‍🍳功架有一份淡定同平靜，都好多人排隊食，我都決定叫外賣試吓先。日式鰻魚炒飯成個飯勁大盒，非常足料，絕對夠兩個人食，鰻魚已經融入咗喺飯入邊，粒狀切得好均勻，每一啖都可以食到鰻魚嘅味道，佢嘅飯身圓鼓鼓，非常有口感又彈口，同平時食開嘅飯質唔一樣，加上佢炒飯嘅甜醬超好味😋外賣都感受到佢鑊氣喎，認真正，唔怪得咁多人買。海膽流心忌廉餅有三件就可以開心share，流心海膽超好味😋咬落啖啖都係鮮甜，外脆內滑，食到雪雪聲，小食類真係好開胃🥳🥳🥳去旺角真係可以試吓，幾方便