影片
更多
2022-08-26
30 瀏覽
今晚同朋友去銅鑼灣行完街想醫下肚，佢話想鋸下扒喎，所以上網搵到呢間係登龍街既樓上扒房，一於就試下先！一入到餐廳坐低左就俾周圍既裝修吸引住，佈置得好有田園既感覺😍☘️睇睇餐牌除左有普通鐵板扒餐之外，仲有時下比較興的生酮套餐，選擇豐富👍🏼👍🏼煙肉帶子串($58)三粒帶子都大大粒夠哂咬口，出面再有煙肉包住，煙肉既香油味出哂黎，真係好惹味啊🤤跟餐有餐湯：蘑菇同雜菜湯，都好足料夠味～餐包係跟雞扒餐既，因為生酮唔可以食澱粉架😂美國脆香雞扒鐵板餐($98)雞肉十分嫩滑，配埋洋蔥汁一齊食真係冇得彈！薯條炸得好金黃，食落唔太油之餘仲夠哂脆口添😋生酮食肉瘦套餐($328/person)前菜有兩款湯同一份牛油果素菜沙律，湯的味道都好濃郁，沙律撈埋麻醬感覺好開胃清新😋😋主菜揀左安格斯肉眼牛扒配龍蝦半隻，侍應拎緊埋枱果陣已經聞到好香既牛味，牛扒五成熟整得剛剛好，肉汁仲能夠鎖住，唔錯唔錯！另外仲有半隻龍蝦，份量都幾足料喎👍🏼而且肉質都好結實，淋上牛肝菌汁就更加入味！最後仲有甜品添，係朱古力凍餅，朱古力味又甜又滑，真係完得好滿足啊😍
一入到餐廳坐低左就俾周圍既裝修吸引住，佈置得好有田園既感覺😍☘️
睇睇餐牌除左有普通鐵板扒餐之外，仲有時下比較興的生酮套餐，選擇豐富👍🏼👍🏼
煙肉帶子串($58)
三粒帶子都大大粒夠哂咬口，出面再有煙肉包住，煙肉既香油味出哂黎，真係好惹味啊🤤
跟餐有餐湯：蘑菇同雜菜湯，都好足料夠味～
餐包係跟雞扒餐既，因為生酮唔可以食澱粉架😂
美國脆香雞扒鐵板餐($98)
雞肉十分嫩滑，配埋洋蔥汁一齊食真係冇得彈！薯條炸得好金黃，食落唔太油之餘仲夠哂脆口添😋
生酮食肉瘦套餐($328/person)
前菜有兩款湯同一份牛油果素菜沙律，湯的味道都好濃郁，沙律撈埋麻醬感覺好開胃清新😋😋
主菜揀左安格斯肉眼牛扒配龍蝦半隻，侍應拎緊埋枱果陣已經聞到好香既牛味，牛扒五成熟整得剛剛好，肉汁仲能夠鎖住，唔錯唔錯！另外仲有半隻龍蝦，份量都幾足料喎👍🏼而且肉質都好結實，淋上牛肝菌汁就更加入味！
最後仲有甜品添，係朱古力凍餅，朱古力味又甜又滑，真係完得好滿足啊😍
張貼
