東京站 章魚小丸子 (已結業)

自從大曼谷執o左後都無乜點係旺角食過串燒，呢間其實開o左好耐，但只係幫襯過佢買章魚燒同日式Q餅，今次行過見倒d串燒都幾靚所以試下，要o左我最鍾意既豬頸肉同埋雞肉串燒，見倒d芝士腸仔都幾靚所都要一串，因為我要三串既關係所以佢比個飯盒我裝，如果食魷魚既話仲會幫你剪細舊方便你咬幾周到，不過就唔係咁環保。加o左兩種唔同既沙爹汁，真係好好味，本身雞肉已經好入味，配埋沙爹汁真係正，因為有沙爹味得黎又唔會太辣，豬頸肉亦都無令我失望，每串幾其實真係唔知，只知三樣加埋廿八蚊，以質素計都算係抵食的。