影片
更多
2021-03-15
309 瀏覽
喺尖沙咀某酒店Staycation，夜晚出去食嘢食。今晚想食返個丼，於是諗起「鐵火堂」，呢間一直想試但未試過。本來係去咗首都廣場嗰間，原來嗰間專做外賣，堂食都只係個企喺度食，店員就叫我哋去厚福街分店。好彩時間尚早，6:55左右喺我地前面有兩Pair排隊，都只係等填紙就入得。位置同預期一樣比較窄，都係快手食完走人嘅類別。嚟呢間都係為咗食拖羅，一入嚟已經被由HKD278減到HKD168嘅「厚切五式藍鰭吞拿魚丼」吸引住，第一次食就一於試店家推廣嘅！【厚切五式藍鰭吞拿魚丼】講真賣相就唔算高分，襯埋中華沙律同醃蘿蔔有種廉價感（需然都真係唔係食緊乜高級食店）。刺身的確係厚切，但係呢⋯長同寬又好似又細咗少少，哈哈！至於吞拿魚嘅味道係好正嘅，藍鰭嘅鮮味真係冇其他品種可媲美！大拖羅同中拖羅都極美味！赤身同魚蓉算係係正常，相比之下唔突出。火炙咗個兩舊魚就普通，吞拿魚唔多適合咁食，浪費咗。【蟹親子丼】我試食咗一啖，蟹肉分量好足，好似仲多過飯！加埋蟹膏同蟹子味道十分豐富，大滿足！【吉列炸蠔】正常發揮，好食嘅，但蠔唔算肉厚。【追加壽司飯】食食吓聽到人哋嗌「加飯」，再望吓牆上啲宣傳見到原來係可以免費追加壽司飯 ，
好彩時間尚早，6:55左右喺我地前面有兩Pair排隊，都只係等填紙就入得。位置同預期一樣比較窄，都係快手食完走人嘅類別。嚟呢間都係為咗食拖羅，一入嚟已經被由HKD278減到HKD168嘅「厚切五式藍鰭吞拿魚丼」吸引住，第一次食就一於試店家推廣嘅！
【厚切五式藍鰭吞拿魚丼】
講真賣相就唔算高分，襯埋中華沙律同醃蘿蔔有種廉價感（需然都真係唔係食緊乜高級食店）。刺身的確係厚切，但係呢⋯長同寬又好似又細咗少少，哈哈！至於吞拿魚嘅味道係好正嘅，藍鰭嘅鮮味真係冇其他品種可媲美！大拖羅同中拖羅都極美味！赤身同魚蓉算係係正常，相比之下唔突出。火炙咗個兩舊魚就普通，吞拿魚唔多適合咁食，浪費咗。
【蟹親子丼】
我試食咗一啖，蟹肉分量好足，好似仲多過飯！加埋蟹膏同蟹子味道十分豐富，大滿足！
【吉列炸蠔】
正常發揮，好食嘅，但蠔唔算肉厚。
【追加壽司飯】
食食吓聽到人哋嗌「加飯」，再望吓牆上啲宣傳見到原來係可以免費追加壽司飯 ，其實都飽飽哋，不過又想叫吓，哈！佢會另上，好彩份量唔算太多，都食得晒。
呢間雖然唔算係好正統、好精緻嘅日式食店，但鍾意吞拿魚嘅我覺得CP值都算高，畢竟喺香港都唔算好多店賣藍鰭吞拿魚！丼飯款式都好多，下次再試其他款式先！
厚切五式藍鰭吞拿魚丼
$168
15 瀏覽
0 讚好
0 留言
蟹親子丼
$102
12 瀏覽
0 讚好
0 留言
吉列炸蠔
$48
8 瀏覽
0 讚好
0 留言
追加壽司飯
8 瀏覽
0 讚好
0 留言
張貼
