影片
更多
2007-12-18
10 瀏覽
再寫一家大眾化人龍壽司店. 比較一下.星期天五時多, 練完歌又未返屋企, 見人在又一城, 就不如來這裡吃個早一點的晚餐. 上一次吃板前已經好久的日子了, 每每見到那條長長的人龍就再沒有甚麼理由慢慢排. 是日五時多, 以為未到晚飯時間不用等, 點知都係要等了大概二十五分鐘先有得入座.這裡算係比較大的迴轉壽司店, 條迴轉帶也相當長, 但也當然繼續地沒有係條迴轉帶度取任何食物. 選擇不少, 每樣也試一點.要了五客普通壽司.瀨尿蝦天婦羅$15: 6分, 這裡的壽司飯不太實, 帶點點酸, 不錯. 但係個瀨尿蝦實在係大細隻了, 也欠了點鮮味.特上海鰻$25: 8分, 應該係這裡的招牌之一, 長長的碟子, 就係為了這條特長版的海鰻. 當然, 壽司飯係正常份量, 相對地那個海鰻起碼長六倍. 食落口沒有腥味, 幾新鮮, 值得試試.5A和牛(一本) $30: 7分, 其實本來係想要火炎的, 但係剔錯了這個生和牛版. 同樣係叫做5A(定係A5)和牛, 這裡的牛係比一記那邊較好, 色澤靚一點, 也帶點脂肪.豚拖羅$12: 7分, 豚肉都幾大片, 但係唔會過老, 一咬就開, 不過都係實了點.海老箱押壽司$15:
星期天五時多, 練完歌又未返屋企, 見人在又一城, 就不如來這裡吃個早一點的晚餐. 上一次吃板前已經好久的日子了, 每每見到那條長長的人龍就再沒有甚麼理由慢慢排. 是日五時多, 以為未到晚飯時間不用等, 點知都係要等了大概二十五分鐘先有得入座.
這裡算係比較大的迴轉壽司店, 條迴轉帶也相當長, 但也當然繼續地沒有係條迴轉帶度取任何食物. 選擇不少, 每樣也試一點.
要了五客普通壽司.
瀨尿蝦天婦羅$15: 6分, 這裡的壽司飯不太實, 帶點點酸, 不錯. 但係個瀨尿蝦實在係大細隻了, 也欠了點鮮味.
特上海鰻$25: 8分, 應該係這裡的招牌之一, 長長的碟子, 就係為了這條特長版的海鰻. 當然, 壽司飯係正常份量, 相對地那個海鰻起碼長六倍. 食落口沒有腥味, 幾新鮮, 值得試試.
5A和牛(一本) $30: 7分, 其實本來係想要火炎的, 但係剔錯了這個生和牛版. 同樣係叫做5A(定係A5)和牛, 這裡的牛係比一記那邊較好, 色澤靚一點, 也帶點脂肪.
豚拖羅$12: 7分, 豚肉都幾大片, 但係唔會過老, 一咬就開, 不過都係實了點.
海老箱押壽司$15: 8分, 這裡的箱押壽司都幾對辦, 押成箱形的, 也不會散. 加上了沙律醬的蝦, 酸酸的, 幾開胃.
要了一個海鹽系列.
蝦天婦羅(抹茶) $18: 9分, 相對地比瀨尿蝦天婦羅巨形得多, 蝦炸得火候剛好, 吃落口係熱辣辣, 也有蝦的鮮味. 點上抹茶鹽, 又加上了點點鹹味, 很好的配搭.
要了一客軍艦.
吞拿魚沙律$9: 7分, 文迪最喜歡的壽司應該係這個吞拿魚沙律, 但係小弟就麻麻, 試了一口, 真係好多吞拿魚, 喜歡吞拿魚自然會滿意.
要了兩客火炎.
火炎鰻魚$15: 8分, 份量當然係比那個特上海鰻細很多, 但再看看也覺得這裡的鰻魚已經比其他地方為大. 經過火炎的鰻魚係好香口.
火炎吞拿魚腩(一本) $35: 8分, 這裡的火炎項目係幾好的, 除了火炎鰻魚之外,火炎吞拿魚腩也幾得. 微微燒過的吞拿魚腩沒有腥味, 幾肥皂, 帶點點香味同鮮味, 比生吃吞拿魚腩容易入口.
要了三件創作壽司.
龍之卷$15: 8分, 也是有一大件鰻魚係面, 也繼續地幾香口, 成件食, 口感也不錯.
軟殼蟹之卷$20: 7分, 軟殼蟹不算太多, 只係夾係壽司飯中間, 不過也炸得幾香口, 也不太油膩.
彩虹果卷$15: 7分, 面頭的兩片牛油果係好容易掉下來, 最後都係要牛油果還牛油果食, 壽司還壽司食, 這個創作似乎不太成功.
要了一件炸物.
炸蠔$25: 5分, 明顯地炸得過了火, 焦焦的樣子, 大打折扣, 不過吃落口仲有生蠔的鮮味, 勉強合格.
服務做足, 環境也幾好的. 食物水準不錯的, 只要不用等一大輪, 其實也可以再來吃的.
但係要等的話...............
張貼
