麺屋武蔵 (已結業)

今日肥龍B同屋企人,終於忍唔住一試apm成人排長龍既武藏拉麵!!一入到去, 老實講真係抱住幾大期望!!諗住食到一碗拍得住日本食既拉麵!!所以我地就開始專注咁揀喇!!肥龍B我揀左赤武骨叉燒拉麵:::其實真係好一般, 味道絕對唔係人地講到非食不可!!唔食會後悔終生咁, 湯底味唔夠突出...唔似人地出名拉麵店, 一食落湯味就好深刻, 實記得!!只係覺得個湯好雜好普通, 麵質都係好一般般...塊叉燒更加係淡茂茂, 韌過柴皮...另外仲叫多碗黑武骨叉燒拉麵:::呢碗只係個湯底同赤武骨唔同少少,其餘都一樣呢, 個湯底我都有飲過...都係好普通, 絕對唔值佢收個$$$!!之後再來多個神山沾汁麵:::我諗呢個係佢地鋪頭唯一特別少少既麵呢!!味道都唔錯, 個汁夠濃, D麵相當QQ!!將D麵直接浸汁食, 都幾爽下!!但係舊配料認真麻麻, 雖然好香!!不過成舊都係肥膏來, 老實講燒豬油點會唔香呢...可以食既部份唔多, 除非你忍受到成舊豬膏照食啦!!總括而言,,, 款式唔多, 味道普通唔突出,如果俾我揀, 肥龍B俾得呢個價錢,寧願再出去試多D, 體驗多D唔同既味道呢!!但都要講一句, 只要你唔抱太大期望都值