影片
更多
2009-01-04
11 瀏覽
今晚約好舊同事一行八人黎食野，有預早訂位，亦都提早訂左雞翼。早左少少到，不過都要等張檯埋單先有得入座，無計，太細。叫得茶餐廳，當然唔可以以為雅座既級數，一張圓檯僅僅坐得晒八個人。侍應見我地無咩主意，主動提議貴價食物。最後叫左幾樣野食，樣樣等上菜，不過都叫做即整，算係咁。1. 糯米釀雞翼每隻 $48，講真，就算半價都仲覺得有少少貴。花功夫在去雞中翼兩條骨，仲有釀糯米唔好整穿雞翼皮。試過，不算甚麼，罷了。2. 九層塔炒牛腩炒牛肉的話就 $68，炒牛腩就要 $78，好明顯俾侍應成功落搭，因為全碟野都無幾多舊牛筋牛腩。3. 芙蓉蛋本來叫芙蓉蛋飯，侍應話驚我地唔夠食，改做就咁芙蓉蛋，不過重點係飯都無到肚，真係想飽都幾難。全碟野最值錢係幾隻蝦仔，都算有少少交代架喇。4. 糖醋豬扒終於有樣似樣野，夠熱，個汁幾好，都叫做人人分到一兩塊。5. 馬拉盞炒通菜又係侍應慫恿之下既菜色，由於一路都揀唔到似樣小菜，但係全餐都係肉又好似唔係幾好喎，所以都主動同朋友問下食乜。個菜味道算 OK，不過睇唔到價錢就唔知抵唔抵喇。6. 瑤柱黃金炒飯本來想叫生炒牛肉飯，話明係招牌菜，點知侍應又落咀頭提議呢個瑤柱黃金炒飯，無聽錯
早左少少到，不過都要等張檯埋單先有得入座，無計，太細。
叫得茶餐廳，當然唔可以以為雅座既級數，
一張圓檯僅僅坐得晒八個人。
侍應見我地無咩主意，主動提議貴價食物。
最後叫左幾樣野食，樣樣等上菜，不過都叫做即整，算係咁。
1. 糯米釀雞翼
每隻 $48，講真，就算半價都仲覺得有少少貴。
花功夫在去雞中翼兩條骨，仲有釀糯米唔好整穿雞翼皮。
試過，不算甚麼，罷了。
2. 九層塔炒牛腩
炒牛肉的話就 $68，炒牛腩就要 $78，
好明顯俾侍應成功落搭，因為全碟野都無幾多舊牛筋牛腩。
3. 芙蓉蛋
本來叫芙蓉蛋飯，侍應話驚我地唔夠食，
改做就咁芙蓉蛋，不過重點係飯都無到肚，真係想飽都幾難。
全碟野最值錢係幾隻蝦仔，都算有少少交代架喇。
4. 糖醋豬扒
終於有樣似樣野，夠熱，個汁幾好，都叫做人人分到一兩塊。
5. 馬拉盞炒通菜
又係侍應慫恿之下既菜色，由於一路都揀唔到似樣小菜，
但係全餐都係肉又好似唔係幾好喎，
所以都主動同朋友問下食乜。
個菜味道算 OK，不過睇唔到價錢就唔知抵唔抵喇。
6. 瑤柱黃金炒飯
本來想叫生炒牛肉飯，話明係招牌菜，
點知侍應又落咀頭提議呢個瑤柱黃金炒飯，
無聽錯的話應該係 $88，好多瑤柱絲，無汁，
不過成個飯份量唔算多，一煲仔，味道中上。
除左上述食物，每人都叫左一杯凍飲。
問侍應凍啡靚定凍茶靚，佢話凍茶啦，因為佢唔飲啡。
點知呢杯凍奶茶，中下貨色……
得喇，真係俾你介紹都無用，茶餐廳連茶都做唔好，扣分。
由於今餐人多，無影相俾大家睇，
而且都唔算食得飽，相信幾位男丁應該都未夠既。
全餐晚飯八位埋單一共 $790，
對於平時飯局價格兼且銅鑼灣區黎講算幾合理，
不過領教到，食野都係忠於自己意願至好。
張貼