NUTTEA (海光街) (已結業)

又係一間冇食物質素，靠做黃店撐住生意既店舖。一入到去，已經有勁多文宣嘅嘢，都唔知係靠做旺店生存定係靠埋奶茶生存。我本身都好支持黃店，其實只要食物質素夠高嘅話，有咩政治立場我都冇乜所謂。但係呢間野真係堅令人失望，完全名過其實。我我由細到大都住喺鰂魚涌，知道呢間野都唔係開咗好耐，但睇入去間鋪見到啲嘢都真係好污糟，啲枱枱等等全部都有啲跡係度。間鋪明明咁細都可以搞到咁污糟真係唔知啲員工喺度做啲乜嘢，令人喺度買嘢飲都覺得有啲驚，但老婆話堅持想試吓飲就冇計啦。叫左杯芒芒堅果奶，一個客都無可以等廿分鐘先有，D芒果撈到勁希，淡而無味，個所謂既奶蓋仲酸酸地。四廿幾蚊杯當跌左。