阿元來了 (已搬遷) 新店位置

久聞阿元大名，今日午市時間去嘗，果然其門如市。在窄窄的街上排上10多人。店内侍應出30多40分鐘才可入到。終於明白人龍的造成因店内坐位小，小店除堂食外，亦有take away。可能因為出菜量大，所以堂食上菜需時。我和老媽兩人被安排到門口走廊位。因怕老人家被碰，而又見店内面壁位置有兩個吉位。於是問可否選坐較內位置。但男店員硬聲硬氣地話“呢到無得揀位“。ok，唯有希望快快點菜食完速走。點了炸雞，肉燥飯，炒麵及一碗湯。價錢每樣都只係20幾至30幾，相信此吸引不少客人，尤其附近學生。以為湯及肉燥飯已預先製作會很快，但都要10分鐘。對著門口等嘅人同店內“温馨提示“客人要限時交枱，心理壓力也不少。菜全上，味道不過不失，但絕非如一些評論般好，尤其是炒麵油膩兼無味。速速賣單，點知要成$200多。細看原來炸雞計3份，飯两份，多咗成百蚊。店員居然照单叫我比，不覺有誤。係我自覺奇怪查看才發現！我唔懷疑店員存心計多，但就算意外出錯，也應有句歉意。最後，我都留下少少十多蚊tips, 但那男店員冷冷的收起找贖盘，一句例行多謝，byebye 都欠奉。