魚鮮生刺身專門店 (已結業)

是日與老公行經銅鑼灣，發現原本係灣仔既魚鮮生原來搬左過黎，地點好過之前，就腳！一入門口有一排自己食位，岩曬一個人吃，我同老公坐樓上。初初人較少，越坐越多人，枱與枱有很足夠空間。食物路線比之前大衆化了一點，初頭有少少失望，但問一問店員，原來繼續有神秘既廚師發板刺身船～哈哈！當堂開心曬，餐牌又點會滿足到我地呢～點了牛舌及雞翼串燒及三文魚鮫，加一個二人份量特盛廚師發板刺身船。等左一陣，突然黎左盤自家製沙律，正，菜超新鮮。牛舌及雞翼味道淡了一點，但脆到一流。三文魚鮫味道同脆度超正，脆中帶軟。刺身一如預期，足料，有龍蝦，大蝦，大大帶子及邊，大大隻珍寶愛爾蘭蠔，海膽，喜之次片，劍魚厚切，拖羅厚切，油甘魚厚切⋯食完，仲有細心店員幫我地即場煮龍蝦腳頭加蝦頭烏冬，超讚！