竹串日本料理 (已結業)

一直都好中意食鰻魚飯，可惜大部分餐廳的都係又貴又少，食完都唔滿足，今日中午終於比我見識到真正嘅鰻魚飯！話說小情人話上網見到原條鰻魚飯都係大約100蚊，我哋仲喺度討論緊會唔會係圖片誇大咋，親身食過就真係頂呱呱！餐廳日式木系風格。四人枱空間感較大。午餐的set 包前菜，味噌湯，和小甜點，未加一前100蚊有找。今個中午係我揀餐時間用得最少嘅，因為我係一心嚟食鰻魚飯！原條鰻魚新鮮上場，真係長過手掌，以視覺行先嘅我黎講真係望見就興奮！食落鰻魚鮮味濃郁，而且厚身特別肥美，燒功了得，很滿意。希望坊間嘅所謂鰻魚飯都好像呢一間餐廳咁，俾返足料嘅鰻魚顧客！😍旁邊的小情人點左牛舌串燒的餐，同樣出色，食材新鮮，燒得恰到好處，不油膩卻燒香四溢，欣喜不已。最後吃上一糕雪糕，繼續今天的旅程。