桔梗 (已結業)

琴日夜晚同三個朋友諗住去試吓呢間啦，咁出面支持呢場運動一定要捧場下嘅，入咗去等咗一陣就有個哥哥仔過嚟確認資料安排座位，速度正常可以接受，餐廳內嘅空間都算大，枱櫈擺位都OK唔會同隔離枱嘅客人造成好逼嘅感覺，啲枱同埋個地下都算正常唔會癡粒粒，但係本身佢有個閣樓同埋樓底非常之高，有兩層樓咁高，琴晚去食嘅時間都唔係真係炎夏，仲要係夜晚九點，但係我已經一路食一路要開着自己個風扇仔，冷氣嚴重唔夠，呢個係環境裏面扣咗好多分，仲有就係有啲類似白色嘅烏蠅仔定唔知昆蟲仔係我同埋另外個朋友個頭上面飛來飛去，我都有叫個店員過嚟望一望， 佢都睇到但係好似冇乜反應，咁我就叫佢同老闆反映下衛生嗰一方面，佢就話哦好啊好啊咁樣，食物方面我朋友本身上嚟呢度睇咗其他人嘅食評就話個雞翼好好食同埋個牛仔骨好伏，咁我哋就信大家嘅留言啦，真係估唔到佢夜晚晚市九點咁旺嘅呢段時間竟然可以冇咗雞翼同埋春雞，話賣哂，你已經得咁少嘢食仲要唔預備充足。。。。？唔係啩？因為本身散叫嗰啲款式其實係好少得嗰幾樣，套餐又係二人嘅唔會有三人或者四人所以我哋決定要散叫，叫咗個薯條，可以接受嘅，但係我覺得炸得唔夠脆同埋唔夠熱，我唔知係廚房炸嘅時間唔夠定係擺