必勝客 (已結業)

果日見落雨濕濕，費事出街，索性約齊幾個friend上嚟我屋企打麻雀，貪有得過吓手癮之餘，又可以嘻嘻哈哈吹吓水咁過一日。正所謂怏樂不知時日過，打打吓又到食飯時候，我哋費事出去同人迫，兼且想繼續竹戰，所以最後決定叫外賣，但係臨時臨急無餐牌喺手，都唔知食咩好，好在個friend醒，提議叫Pizza Hut，因為佢哋有網上訂購，上網就可以睇晒有咩食，仲可以即刻落埋order，方便又快趣！話咁快點完嘢食，心諗都預佢無咁快送到嚟，梗係立即繼續我哋嘅麻雀兵團大激戰先，邊打邊等，點知打唔夠一陣，門鐘就響，效率真係快到你唔信，送到嚟ｄ嘢食仲要熱辣辣，香噴噴，真係流晒口水，同堂食都無咩分別，兼且送嘢果個哥哥仔又超好禮貌，真係愛死Pizza Hut，不愧為外送速遞嘅一哥，抵讚，絕對係唔想出街又想食好嘢嘅No.1之選！