名捌月 (已結業)

明明記得荃灣間餐廳係叫夏捌月但琴日去到點知變咗，同老闆傾開先知，原來係想區分返元朗夏捌月因為兩間店嘅菜單唔同，風格又唔同，所以方便食客識別，就將荃灣嗰間改咗名😯😁 幾驚以為自己失憶記錯！今日同朋友叫咗個二人set 有餐湯、小食、主菜同餐飲 呢個set仲包埋沙津甜品bar 可以自己隨意配搭沙律🥗 小食方面可以揀雞翼或者青口主菜又可以揀日本霜降牛 或者 安格斯 飯方面可以三選一 ~今次我揀咗松子仁蟹肉意粉、厚切安格斯同一字雞翼，有四隻 ~餐湯並唔係普通飲到嘅忌廉湯或者羅宋湯，係廚師自製嘅蟹肉純菌濃湯，好濃郁！勁好飲😋😋塊扒淨係睇相都覺得超肥美 脂肪入口即溶 好正呀